Shkarkimi i Drejtorit të Aviacionit ka ndodhur si shkak i informacioneve të sinjalizuesve
Anëtarja e shoqërisë civile, Flutura Kusai, thotë se shkarkimi i Drejtorit të Aviacionit Civil ka ardhur si pasojë e informacioneve të disa sinjalizuesve. Ajo po ashtu thotë se që një kohë të gjatë nuk ka qenë kaq e lumtur prej një vendimi të Qeverisë.
‘’Sonte disa sinjalizues e kanë fitu një betejë të rëndësishme në Autoritetin e Aviacionit Civil. Detajet nuk do të dihen kurrë publikisht, siç ndodhë rëndom me raste të sinjalizimit, por kjo është edhe një dëshmi sa e rëndësishme është të sinjalizosh.’’, ka shkruar ajo në rrjetin social Facebook.
‘’Moti, moti, nuk jam lumturu ma shumë. Vendim fantastik i qeverisë.’’, shton ajo.
Ndryshe, Qeveria në detyrë e Kosovës vendosi të martën në mbrëmje për shkarkimin e Eset Berishës nga pozita e drejtorit të Avicacionit Civil.
(Kosova Sot Online)