Glauk Konjufca paralajmëron reciprocitet ,Serbia do të hapë kufijtë me Shqipërinë, por jo me Kosovën
Ministri në detyrë, i Punëve të Jashtme dhe Diasporës, Glauk Konjufca ka thënë se hapja e kufijve për shtetet fqinje nga ana e Serbisë duke përjashtuar Kosovën është qasje diskriminuese.
Konjufca ka shkruar në Twitter se qeveria e Kosovës e dënon qasjen e tillë të Serbisë karshi Kosovës.
“Qeveria e Kosovës dënon qasje e pabarabartë dhe diskriminuese të Serbisë ndaj Kosovës. Serbia ka hapur kufijtë për qytetarët e vendeve të regjionit por jo për qytetarët e Kosovës. Kjo qasje vërteton edhe njëherë se Serbia nuk është e interesuar në normalizimin e marrëdhënieve me Kosovën. Republika e Kosovës do të përgjigjet me reciprocitet ndaj pengesave të Serbisë për qytetarët e Kosovës ”, ka shkruar Konjufca.
Serbia do të hapë kufijtë për lëvizjen e njerëzve plotësisht nga 1 qershori për katër vende, Maqedoninë e Veriut, Malin e Zi, Bosnje e Hercegovinën dhe Shqipërinë edhe pse nuk kufizohet me këtë të fundit.
The Kosovo government condemns Serbia's discriminatory and unequal regional approach to Kosovo. Serbia has opened its borders to citizens of all countries in the region, but not to citizens of Kosovo.
— Glauk Konjufca (@KonjufcaGlauk) May 13, 2020
(Kosova Sot Online)
