Refuzoi izolimin, Suedia me shkallën më të lartë e vdekshmërisë nga Covid-19 në Evropë

  • 20 May 2020 - 19:34
 Refuzoi izolimin, Suedia me shkallën më të lartë e vdekshmërisë nga Covid-19 në Evropë

Suedia ka regjistruar mesatarisht 6,25 vdekje në ditë për një milionë vetë për shkak të koronavirusit gjatë javës së fundit. Këtë tregojnë statistikat e «Our World In Data», çka dëshmon sipas mediave në Itali, se modeli suedez, nuk funksionon.

Vendi shënoi një ditë më parë numrin më të madh të jetëve të humbura për frymë në të gjithë kontinentin e vjetër. Në Mbretërinë e Bashkuar, vdekshmëria është 5,75 në ditë për një milion vetë, në Belgjikë 4,6, në Francë 3,49 dhe në Itali, mesatarisht 3, shkruan Corriere della Sera.

Suedia nuk e vendosi kurrë karantinën dhe preferoi të inkurajonte ndjenjat personale të përgjegjësisë tek qytetarët e saj, duke i kërkuar të qëndrojnë në shtëpi vetëm atëherë kur janë të sëmurë e të ruajne në publik distancën sociale.

Vendi regjistroi në prill muajin më vdekjeprurës prej gati tre dekadash. Qasja suedeze ndaj koronavirusit është kritikuar brenda dhe jashtë kufijve, veçanërisht pasi numri i viktimave atje, mbi 3.800, i tejkaloi shume shifrat në vendet nordike fqinje, të cilat vendosën masa të ashpra izolimi.

(Kosova Sot Online)