Vendos MASHTI: Provimi i Maturës Shtetërore do të mbahet më 4 korrik

  • 28 maj 2020 - 20:16
 Vendos MASHTI: Provimi i Maturës Shtetërore do të mbahet më 4 korrik

Ministria e Arsimit, Shkencës, Teknologjisë dhe Inovacionit ka caktuar 4 korrikun 2020 si datë të mbajtjes së Provimit të Maturës Shtetërore 2020.

“Në dokumentin “Informata, udhëzime dhe rregulla për kandidatët (maturantët) – për Provimin e Maturës Shtetërore 2020”, i cili është miratuar nga Komisioni Shtetëror i Maturës, janë elaboruar informacionet dhe shpjegimetpërkatëse rreth këtij procesiku përfshihen: afatet me rëndësi, informatat dhe rregullat e përgjithshme, organizimi kohor për ditën e testimit, rregullat me rastin e futjes në qendrën e testimit, rregullat gjatë marrjes së udhëzimeve për testin, rregullat gjatë testimit, informata dhe udhëzime rreth testit, udhëzime për plotësimin e fletë-përgjigjes, etj”, bën të ditur MASHTI, nëpërmjet një komunikate.

“Duke marrë parasysh se mbajtja e Provimit tëMaturës Shtetërore2020 realizohet në rrethana specifike të krijuara si rezultat e pandemisë, në këtë dokument janë përfshirë edhe udhëzimetrreth masave parandaluese që lidhen me mbrojtje nga COVID-19, udhëzime këto të përpiluara në bashkëpunim me Institutin Kombëtar për Shëndetin Publik (IKShPK)”, njofton MASHTI.

(Kosova Sot Online)