Cakaj publikon fotografi në ambasadën e përbashkët Kosovë-Shqipëri, thotë se ky është vetëm fillimi

  • 28 maj 2020 - 20:31
 Cakaj publikon fotografi në ambasadën e përbashkët Kosovë-Shqipëri, thotë se ky është vetëm fillimi

Ministri në detyrë për Evropën dhe Punët e Jashtme, Gent Cakaj, nëpërmjet një postimi në Facebook ka prezantuar hyrjen e ambasadës së Republikës së Shqipërisë dhe Republikës së Kosovës në Kanberra të Australisë, e cila ndodhet në një hapësirë të vetme të përbashkët.

“Ky është një prej veprimeve më domethënëse që kemi ndërmarrë deri më sot, për të jetësuar marrëveshjet e përbashkëta, në shërbim të një politike të jashtme të bashkërenduar e, mes tjerash, kjo përfshin edhe ndarjen e hapësirave në përfaqësitë konsullore dhe diplomatike sipas mundësive objektive.”- u shpreh Cakaj në postimin e tij.

Po ashtu, krye diplomati Cakaj, theksoi se vazhdimi i këtij projekti është një punë skajshmërisht e rëndësishme, një shfrytëzim më ekonomik i burimeve logjistike dhe me një domethënie të veçantë për marrëdhënien politike mes dy vendeve.

(Kosova Sot Online)