I prekuri me koronavirus në Malishevë ditë më parë u lirua nga karantina pasi doli negativ

  • 29 May 2020 - 19:24
 I prekuri me koronavirus në Malishevë ditë më parë u lirua nga karantina pasi doli negativ

Një prej 12 rasteve të sotme me koronavirus është nga Malisheva.

Komuna e Malishevës përmes një njoftimi ka bërë të ditur se pacienti ditë më parë është liruar nga karantina në Qendrën e Studentëve në Prishtinë, pasi kishte rezultuar negativ në testin për COVID-19.

Ai ishte karantinuar, meqë ishte kthyer kohë më parë nga Mali i Zi. Por, pas një testi të dytë të bërë sot, ai ka dalë pozitiv dhe me këtë rritet në dy numri i rasteve aktive në këtë Komunë.

“I prekuri, ditë më parë ishte kthyer nga Mali i Zi dhe kishte qëndruar në karantinë në Qendrën e Studentëve në Prishtinë, ku ishte liruar pas testit ku kishte rezultuar negativ, por i njëjti e ka bërë testin pas një vizite mjekësore dhe ka rezultuar pozitiv”, thuhet në njoftimin e Komunës së Malishevës.

Gjithsej në Komunën e Malishevës, deri më tash janë shënuar 77 raste me koronavirus. Pos dy pacientëve që janë raste aktive, 74 janë shëruar, ndërkohë një ka vdekur.

(Kosova Sot Online)