Vazhdojnë protestat e dhunshme në ShBA, deri tash janë arrestuar mbi 4,000 persona

Dhjetëra mijëra njerëz kanë protestuar në rrugët e Shteteve të Bashkuara të dielën. Protestat fillimisht ishin paqësore, por më vonë u bënë të dhunshme.

Autoritetet lokale dhe qendrore kanë angazhuar mijëra ushtarë dhe kanë vendosur orë policore në përpjekje për ta qetësuar situatën, por këto masa nuk ndikuan që të ndalen kryengritjet, shkruan “Daily Mail”.

Policia në Philadelphia tha se protestuesit i kanë sulmuar zyrtarët policorë me gurë dhe koktej molotovi, ndërsa disa protestues të maskuar në San Francisko kanë thyer dyqane dhe kanë vjedhur mall.

Tensionet ishin të larta edhe afër Shtëpisë së Bardhë, ku policia hodhi gaz lotsjellës dhe shok-granata për t’i shpërndarë rreth një mijë protestues. Dy zyrtarë të Departamentit të Mbrojtjes kanë thënë në kushte anonimiteti se të gjithë ushtarët e Gardës Kombëtare në Uashington D.C. janë angazhuar për ta marrë nën kontroll situatën.

(Kosova Sot Online)