Kosova hyn në fazën e tretë të lehtësimit të masave, hapen qendrat tregtare, gastronomia e kufijtë

  • 01 June 2020 - 20:21
 Kosova hyn në fazën e tretë të lehtësimit të masave, hapen qendrat tregtare, gastronomia e kufijtë

Lirshëm po e pinë kafenë në lokalet ku nuk kanë mundur të qëndrojnë për gati tre muaj. Kjo pasi të hënën në Kosovë nisi faza e tretë e lehtësimit të masave.

Në këtë fazë, Ministria e Shëndetësisë ka marrë vendim për hapjen e gastronomisë kufijve, e qendrave tregtare, si dhe qarkullimin e taksive.

Lehtësimi i masave ka gëzuar pronaret e lokaleve.

Endrit Kaçiu, pronar i njërës nga kafenetë thotë se frekuentimi ka filluar qysh prej orës 7, por ka edhe qytetarë që ende po hezitojnë të shkojnë aty.

E interesim të madh gjatë të Hënës, u pa të ketë në një prej qendrave tregtare në kryeqytet.

Parkingu i njërës nga to që është në lagjen Veternik të kryeqytetit ishte i stërmbushur .

Pas disa muajve pauzë, qytetarë të shumtë i’a mësyen kësaj qendre.

Por, para se të hyjnë aty obligoheshin të ndjekin disa rregulla.

Të gjithë atyre që e frekuentuan këtë qendër,  po i matej temperatura.

Ndërkohë, askush nuk po lejohej të hyje brenda pa u pajisur me maska e doreza e pa dezinfektur duart.

Përfaqësuesi i kësaj qendre Shabi Ramadani, thotë se me hapjen e qendrës, pati një interesim tepër të madh nga ana e qytetarëve

E në këtë qendër dyqanet ishin mbushur me klientë. Një pamje e tillë u pa të jetë edhe tek pjesa e gastronomisë.

Stafi i kësaj qendre ishte kujdesur për distancën sociale mes tyre.

Madje tash e tutje aty do të ekzistojë edhe një dhome e veçante e ndihmës së parë.

E punën të Hënën e filluan edhe taksitë.

Por, kjo kategori ende ka paqartësi për sa i përket orarit dhe rregullave tjera.

Enis Vitia, përfaqësues i Kompanisë së taksive “Victory’’ shpreson se këto informata shtesë do ti marrin së shpejti.

E në fazën e tretë të lehtësimit të masave, janë rihapur edhe kufijtë tokësor.

(Kosova Sot Online)