Haxhi Shala ende s’ka vendosur a e voton qeverinë Hoti

  • 03 June 2020 - 10:47
Haxhi Shala ende s’ka vendosur a e voton qeverinë Hoti

Kuvendi i Kosovës sot nga ora 11:00 do të mbajë seancë, ndërsa në rend dite është votimi për Qeverinë Hoti.

Ende nuk dihet sigurt nëse LDK, AAK, NISMA dhe Lista Serbe i kanë 61 votat e nevojshme për qeverinë, pasi disa deputetë të këtyre partive nuk do ta votojnë.

Kur kanë mbetur edhe një orë deri në nisjen e seancës së jashtëzakonshme, një prej deputetëve që nuk e di nëse do ta votojë apo jo qeverinë është edhe Haxhi Shala i NISMA-s.

“Do të vendosi në seancë nëse do ta votoj qeverinë Hoti, nuk kam vendosur, ta shohim”, ka thënë shkurt ai.

Ai ditë më para paralajmëroi se do të votojë kundër.

Edhe deputetja e AAK-së, Donika Kadaj-Bujupi ka deklaruar për Reporteri.net se në seancë do të mësohet se si do të votojë ajo.

(Kosova Sot Online)