Shpërthen politologu: Reciprociteti ndaj shtetit të Serbisë është vlerë shtetërore mbi të cilën po shkelë koalicioni i mentalitetit të vjetër
“Reciprociteti ishte parë si vlerë në relacion me Serbinë, kjo sikur shtetit të ia kthente dinjitetin e munguar, mirëpo edhe vlerë substanciale u rrënua me prishjen e koalicionit dhe bërjen me ato parti që e kundërshtonin atë-reciprocitetin. Prandaj them se bartësit e këtij subjekti janë marioneta të presidentit Thaçi, qasja e tij u materializua nga logjika e vjetër e LDK-së, për t'iu hapë negociatave me Serbinë. Sjelljet e fundit të presidenti aktuale nuk janë të çuditshme, gjithnjë qasja e tij ka qenë degraduese për shoqërinë, këtë e trego mjaftueshëm rrugëtimi i tij politik, i cili është përcjellë me sulme të pabaza dhe që realisht e kanë deshifruar atë si përçarës. Presidenti Thaçi me kryeministrin Kurti nuk ka mundë të jetë ai që ka dashur të jetë, dominues dhe përcaktues i shumë zhvillimeve politike, ndërsa me kryeministrin antidemokratik, këtë do ta ketë të mundshme”, thotë analisti politik Arsim Haziri.
Politologu Arsim Haziri, ka reaguar ashpër ndaj kritikave që Presidenti i Kosovës Hashim Thaçi i ka drejtuar Qeverisë Kurti në detyrë, ma rastin e marrjes së vendimit për masa të reja reciprociteti ndaj Serbisë, si dhe ndaj deklarimit të shpejtë të Kryeministrit në ardhje të LDK-së Avdullah Hotit, për heqjen e shpejtë të masave të vendosura nga Qeveria Kurti, në emër ët pajtimit të shpejtë me Serbinë dhe fillimin e dialogut. Sipas Hazirit, këto reagime dëshmojnë për gatishmërinë e nënshkrimit dhe bërjes së kompromiseve të mëdha ndaj shtetit serb, në dëm të interesit të shtetit të Kosovës, sepse kjo është një logjikë e dëshmuar edhe në qeverisjet e kaluara.
“Koalicioni i ri i logjikës së vjetër qeverisëse ka edhe disa ditë kur edhe mund ta formojnë qeverinë, e cila fatkeqësisht po bëhet duke u përcjellë më përlotë shkelje normash e padrejtësi demokratike, qeveria e radhës mjerisht po vi si rezultat i frikës nga qeveria e mendësisë së re, e cila u shkarkua vetëm pse ishte parë si mund ku qytetarëve do t'iu kthehet publikja. Pra një kapje e publikes për interesa krejtësisht klientele. Zhvillimet e fundit ofrojnë mjaftueshëm dëshmi autentike se kjo qeveri në ardhje përpos që qëndron në disa shkelje e padrejtësish ajo po konkretizohet për t'i udhëhequr disa procese që po mendohet se do të jenë të dëmshme për vendin. LDK-ja, me formë të pavlerë institucionale e me përmbajtje klienteliste, tregoi konsiderueshëm se është e aftë t'i shkelë gjitha atributit me të cilat gjithnjë paraqitej në opinion, madje edhe reciprocitetin që e kishim si program qeverisës”, thotë analisti Arsim Haziri.
Me reciprocitetin ndaj Serbisë, sipas Hazirit, Qeveria Kurti ka treguar dhe e ka demonstruar forcën e vetë dhe identitetin e vetëm shtetëror si vlerë, kurse qeveria në ardhje po përgatitet që ta rrënon atë.
“Reciprociteti ishte parë si vlerë në relacion me Serbinë, kjo sikur shtetit të ia kthente dinjitetin e munguar, mirëpo edhe vlerë substanciale u rrënua me prishjen e koalicionit dhe bërjen me ato parti që e kundërshtonin atë-reciprocitetin. Prandaj them se bartësit e këtij subjekti janë marioneta të presidentit Thaçi, qasja e tij u materializua nga logjika e vjetër e LDK-së, për t'iu hapë negociatave me Serbinë. Sjelljet e fundit të presidenti aktuale nuk janë të çuditshme, gjithnjë qasja e tij ka qenë degraduese për shoqërinë, këtë e trego mjaftueshëm rrugëtimi i tij politik, i cili është përcjellë me sulme të pabaza dhe që realisht e kanë deshifruar atë si përçarës. Presidenti Thaçi me kryeministrin Kurti nuk ka mundë të jetë ai që ka dashur të jetë, dominues dhe përcaktues i shumë zhvillimeve politike, ndërsa me kryeministrin antidemokratik, këtë do ta ketë të mundshme. Atij i duhet një kryeministër i pa qëndrueshëm, prandaj edhe vije një i tillë, që do të jetë i menaxhueshëm prej tij, duke ia humbur tërësisht fuqinë ekzekutive e politike. Këtë defet sikur nuk e ka kuptuar gjithnjë LDK-ja, bartësit e saj, dhe ky nënshtrim i saj ka për t'u ndëshkuar masivisht prej qytetarëve, ky do të jetë fakt që do të konkretizohet në vitin e ardhshëm kur mendohet të jenë zgjedhjet e parakohshme nacionale”, thotë analisti politik Arsim Haziri.
(Kosova Sot Online)