Osmani i kundërpërgjigjet Ismailit: Nuk i arsyetoj donacionet nga Serbia as të vitit 2016 e as 2020

  • 04 June 2020 - 12:26
Osmani i kundërpërgjigjet Ismailit: Nuk i arsyetoj donacionet nga Serbia as të vitit 2016 e as 2020

Kryeparlamentarja Vjosa Osmani është përplasur edhe me deputetin e PDK’së, Uran Ismaili, për një letër që ajo thotë se i ka ardhur nga sekretari i Ministrisë së Shëndetësisë lidhur me donacionet në kohë të pandemisë.

Ismaili e ka akuzuar Osmanin se po e arsyeton qeverisjen e Albin Kurtit për donacionet, madje edhe për – siç thotë ai – kontrabandën, që është kryer gjatë kohës kur e ka drejtuar ministrinë Arben Vitia.

Osmani thotë se asaj i ka ardhur një letër nga sekretari i Përgjithshëm i Ministrisë së Shëndetësisë dhe atë letër e ka detyrë t’ua shpërndajë deputetëve Kuvendit, pa arsyetur

“Për mua është e çuditshme se si ju akuzoni për fjalë që unë fare nuk i thash. Për të qenë në krye të detyrës, nëse mua më vjen letra nga sekretari i ministrisë së Shëndetësisë, si shërbyes civil që ka qenë aty edhe kur ju keni drejtuar ministrinë, nëse ajo letër më drejtohet në cilësinë e Kryetares, unë e kam për detyrë t’ua shpërndajë”, ka thënë Osmani.

Kryeparlamentarja i ka thënë deputetit të PDK’së, që në asnjë moment nuk e ka arysetuar donacionin e testeve nga Serbia dhe se donacione nga shteti serb nuk ka arsyetuar asnjëherë.

 “Në asnjë moment nuk arsyetojë mënyrën si kanë hy sepse nuk e di si kanë hy [donacioni]. Asnjë konstatim nuk e dhashë. Për mua donacioni nga Serbia nuk ka arysetim as në vitin 2016, as 2017,2018,2019 as në 2020”, ka thënë Osmani. 


(Kosova Sot Online)