Vritet një ndër gorillat më të rralla në botë, 4 të dyshuarit rrezikojnë burgim të përjetshëm

Një nga gorillat malore më të njohura të Ugandës, Rafiki, është vrarë. Katër burra janë arrestuar dhe do të përballen me dënim të përjetshëm ose me gjobë prej 5.4 milion dollarë (4.3 milion £) nëse shpallen fajtorë për vrasjen e një specieje në zhdukje.

Hetimet treguan se Rafiki ishte vrarë nga një objekt i mprehtë që depërtoi në organet e tij të brendshme.

Ekzistojnë pak më shumë se 1.000 gorilla malore dhe “Autoriteti i Jetës së egër Uganda” (UWA) e përshkroi vdekjen e Rafikut si një “goditje shumë të madhe”.

Rafiki, që besohet të ishte rreth 25-vjeç, vdiq në “Parkun Kombëtar Bwindi Impenetrable” dhe ishte drejtuesi i një grupi prej 17 gorillash malore.

Ky grup u përshkrua si i zakonshëm, që do të thotë se anëtarët e tij ishin mësuar të kishin kontakt me njerëzit.

“Vdekja e Rafiki e lë grupin të paqëndrueshëm dhe ekziston mundësia që ai të shpërbëhet,”- tha Bashir Hangi nga UWA për BBC.

Nëse kjo do të ndodhë, grupi nuk do të dëshirojë më të jetë në kontakt me njerëzit, gjë që në fund të fundit mund të ndikojë në turizëm.

Gorillat malore janë një tërheqje për vizitorët në vend dhe “UWA” mbështetet tek turistët për të ardhura.

Vetë Rafiki ishte shumë i njohur nga njerëzit që kishin ardhur në Parkun Kombëtar Bwindi Impenetrable, tha Hangi.

Ai u zhduk më 1 qershor dhe trupi i tij u zbulua të nesërmen.

Një ekip i “UWA” gjurmoi një të dyshuar në një fshat aty pranë, i cili u gjet me pajisje gjuetie.

Ai pranoi që bashkë me tre të tjerë kishin qenë duke gjuajtur kafshë më të vogla në park dhe se ai vrau Rafiki për t’u vetëmbrojtur kur u sulmua, tha “UWA” në një deklaratë.

Të katër burrat pritet të akuzohen sipas një ligji për mbrojtjen e jetës së egër që u miratua vitin e kaluar.

Lloji i gorillave malore është i kufizuar në zonat e mbrojtura në Republikën Demokratike të Kongos, Ruandës dhe Ugandës.

Në vitin 2018, gorilla malore u hoq nga lista e specieve të rrezikshme nga “Bashkimi Ndërkombëtar për Ruajtjen e Natyrës”, pasi përpjekjet për konservim intensiv, përfshirë patrullimet antikrijuese, u paguan.

(Kosova Sot Online)