Merret vendimi që të inspektohen kafenetë nga Policia e Kosovës dhe inspektorët sanitarë

Sot është marrë vendim nga Policia e Kosovës se këta të fundit, bashkë me inspektorët sanitarë, do të inspektojnë nëpër çdo kafene për të parë nëse po respektohen rregullat ndaj pandemisë së koronavirusit.

Lajmin për media e ka konfirmuar drejtori i përgjithshëm i Policisë së Kosovës, Rashit Qalaj.

“Është marrë vendim që policia bashkë me inspektorët sanitar do të inspektojnë në cdo kafiteri për të parë nëse rregullat janë duke u respektuar si nga ana e pronarëve të lokaleve, ashtu edhe nga ana e personave që janë duke u shërbyer në kafiteri”, ka thënë Qalaj për Express.

Ky vendim erdhi si rezultat i rritjes së numrit të rasteve të konfirmuara me koronavirus në Kosovë.

E kjo për shkak se kohëve të fundit rregullat e Institutit Kombëtar të Shëndetësisë Publike (IKSHPK) nuk po respektohen, kryesisht nëpër kafene.

(Kosova Sot Online)