Ambasada e Italisë njofton se kur mund të fillojnë aplikimet për viza

  • E.K /
  • 19 June 2020 - 21:00
 Ambasada e Italisë njofton se kur mund të fillojnë aplikimet për viza

Aplikimet do të pranohen vetëm për disa kategori të kufizuara të vizave.

Ambasada e Italisë në Prishtinë njoftoi se aplikimet mund të fillojnë nga data 22.06.2020.

Tutje, Ambasada në njoftimin e vet tregoi se për cilat kategori mund të aplikohet.

Por, hyrja në Ambasadë do të lejohet vetëm në përputhje me masat e kontrollit të infeksionit koronavirus. Për të hyrë në ambasadë duhet të mbahen pajisje mbrojtëse si maska dhe dorëza.

Gjithashtu, kushdo që ka temperaturë trupore mbi 37.5 gradë, do të ndalohet të hyjë brenda.

Më poshtë gjeni njoftimin e plotë të Ambasadës Italiane.

Njoftimi i plotë:

Duke filluar nga 22.06.2020 do të mund të aplikohet në Ambasadën e Italisë në Prishtinë për kategoritë e mëposhtme të vizave:
– për punë (JO për biznes);
– për motive familjare;
– operatorët e studiuesit shëndetësorë dhe profesionistët e kujdesit për të moshuarit;

– punëtorët profesionalë;
– personeli i transportit;
– diplomatët, stafi i organizatave ndërkombëtare, personeli ushtarak dhe punëtorët humanitarë në ushtrimin e funksioneve të tyre;
– personat që kanë nevojë për mbrojtje ndërkombëtare.
Për të caktuar termin, palët e interesuara mund të shkruajnë në adresën e [email protected]. Lista e dokumenteve që duhet të dorëzohen gjendet në këtë adresë.
Hyrja në Ambasadë lejohet vetëm në përputhje me masat e kontrollit të infeksionit koronavirus. Duhet të mbani pajisje mbrojtëse personale (maska dhe doreza), përndryshe nuk ju lejohet hyrja në Ambasadë. Vizitorët do t’i nënshtrohen kontrollit të temperaturës së trupit, nëse është mbi 37.5 °, do të ndalohet hyrja brenda.
Ju kujtojmë se, edhe në rastin e dhënies së vizës hyrëse, të huajt që hyjnë në Itali do të duhet të dëshmojnë arsyet e hyrjes së tyre në territorin kombëtar me anë të një vetëdeklarimi përkatës të bazuar në dispozitat në fuqi.

(Kosova Sot Online)