Presidenti dhe Kryeministrja e Serbisë kanë pasur kontakte me zyrtarë të infektuar me COVID 19, s’tregojnë a janë testuar
Presidenti serb Aleksandar Vuçiq po heziton ta informojë publikun nëse është testuar për COVID-19, ndonëse disa zyrtarë të shtetit serb konfirmuan se ai ishin infektuar me koronavirus.
Kryeministrja Ana Bërnabiq, e cila ishte në kontakt të drejtpërdrejtë me ta, jo vetëm që nuk tregon nëse ajo është testuar, por ajo nuk është asnë izolim.
Suzana Vasiljeviq, këshilltarja për media e Vuçiqit nuk u përgjigj sot gazetarëve të portalit Nova nëse presidenti serb ishte testuar për koronavirus, duke konsideruar se ai ishte në kontakt me zyrtarë të infektuar të shtetit natën e zgjedhjeve.
Disa ditë pasi progresistët e Vuçiqit festuan fitoren në zgjedhjet e fundit u përcaktua që kryetarja e Kuvendit, Maja Gojkoviq dhe drejtori i të ashtuquajturës Zyrë për Kosovën në Qeverinë e Serbisë, Marko Gjuriq dolën pozitivë në COVID-19.
Po ashtu, ministri i Mbrojtjes, Aleksandar Vulin, u infektua më pas.
Të gjithë këta atë mbrëmje ishin në afërsi të presidentit të Serbisë, por edhe të kryeministres Ana Bërnabiq, e cila madje e përqafoi Maja Gojkoviqin.
Për ca kohë, Bërnabiq ishte gjithashtu në shoqërinë e Aleksandar Vulinit.
Sidoqoftë, këshilltari i kryeministres, Mladen Bashiq, nuk pati përgjigje për pyetjet e gazetës.
Për dallim nga zyrtarët më të lartë të shtetit serb, zyrtarët e huaj nuk e kanë problem t’u thonë qytetarëve nëse janë testuar për COVID-19.
(Kosova Sot Online)