Në Gjakovë bëhen homazhe para arkivolit të martirit Vegim Qerkezi

G.G /
03 July 2020 - 14:12

Në Varrezat e Martirëve në Çabrat të Gjakovës kanë nisur homazhet tek arkivoli i martirit Vegim Kasim Qerkezi, i rrëmbyer nga forcat serbe në marsin e vitit 1999.

Familjarë të shumtë kanë ardhur dhe janë duke bërë homazhe, ndërsa sot pritet të bëhet edhe varrimi i eshtrave të Vegim Kasim Qerkezi.

Tashmë tek varrezat e dëshmorëve në Çabrat të Gjakovës ka arritur edhe Ferdonije Qerkezi, nga shtëpia e të cilës u rrëmbye edhe Vegimi bashkë me bashkëshortin e Ferdonijës, djemtë e saj dhe miqtë e familjes.

Trupi i Vegim Qerkezit, për të cilin nuk dihej asgjë prej 21 vitesh, ishte varrosur në një fshat të Shqipërisë dhe vetëm pas verifikimeve mjekësore është bërë i mundur identifikimi i tij.