Burgoset profesori që kritikoi autoritetet kineze rreth menaxhimit të pandemisë

  • G.G /
  • 06 korrik 2020 - 13:53
Burgoset profesori që kritikoi autoritetet kineze rreth menaxhimit të pandemisë

Një profesor kinez është burgosur të hënën, pasi i kishte kritikuar autoritetet kineze rreth mënyrës së menaxhimit të krizës pandemike.

Xu Zhangrun, që kishte qenë në arrest shtëpiak, është marrë prej shtëpisë së tij në Pekin, qysh në mëngjes, kanë bërë të ditur miqtë e tij.

Liria e shprehjes është e kontrolluar në mënyrë strikte në Kinë dhe ata që shprehen kundër autoriteteve rrezikojnë arrestimin dhe dënimin me burg, shkruan BBC.

Zhangrun, profesor i drejtësisë, më herët e kishte kritikuar liderin aktual të Kinës, Xi Jinping.

(Kosova Sot Online)