Danimarka e konsideron Kosovën vend me rrezik të lartë nga koronavirusi
Qeveria e Mbretërisë së Danimarkës ka rekomanduar qytetarët e saj që të mos udhëtojnë drejtë Kosovës deri me 31 gusht 2020.
Përmes një postimi në faqen zyrtare, Konsullata e Republikës së Kosovës në Kopenhagë ka bërë me dije se Kosova nga autoritet daneze kategorizohet si rajon me rrezikshmëri për përhapje të pandemisë Covid-19.
Pas kthimit në Danimarkë, qytetarët duhen të vetizolohen 14 ditë, apo të kenë dëshminë që rezulton negativ nga COVID -19 jo më i vjetër se 4 ditë.
“Kosova nga autoritet daneze kategorizohet si rajon me rrezikshmëri për përhapje të pandemisë Covid-19, me ç’rast vlejnë rregullat që pas kthimit në Danimarkë qytetarët duhen të vetizolohen 14 ditë, apo të kenë dëshminë që rezulton negativ nga COVID -19 jo më i vjetër se 4 ditë”, thuhet në njoftim.
Kalimi Transit lejohet në Danimarkë.
(Kosova Sot Online)