Deputetja me COVID-19 del para banesës të marrë rentgenin, bëhet lajm se theu izolimin
Deputetja e Partisë Demokratike të Kosovës, Eliza Hoxha para pak ditësh ka njoftuar se është infektuar me koronavirus.
Sipas IKSHPK’së, personat e infektuar duhet të vetizolohen dhe të mos dalin jashtë në mënyrë që të mos bartet infektimi.
Por, Hoxha sot ka dalë para banesës së saj që të marrë rentgenin e mushkërive dhe është bërë lajm në media se si e ka thyer masën e izolimit.
Ajo është fotografuar duke pritur para banesës.
Pas këtij lajmi, ka reaguar Hoxha e cila ka treguar edhe arsyen se pse ka dalë jashtë.
“…Nuk po ta bijshin në shpi rentgenin për mushkeri….turp të keni me këso gjanash e pa pikë konsiderate për shëndetin”, ka sqaruar Hoxha.
(Kosova Sot Online)