Vdes në moshën 59-vjeçare vajza e Nelson Mandelës, Zindzi
Zindzi Mandela, vajza e vogël e presidentit të parë me ngjyrë të Afrikës Jugore, Nelson Mandela, ka vdekur në moshën 59-vjeçare.
Ajo vdiq në një spital në Johannesburg në mëngjesin e së hënës, bëri të ditur transmetuesi publik.
Zonja Mandela ka qenë duke shërbyer si ambasadore e Afrikës Jugore në Danimarkë, shkruan “BBC”.
Shkaku i vdekjes nuk është publikuar ende. Zindzi ishte fëmija i gjashtë i Nelson Mandelës dhe fëmija i dytë i Winnie Madikizela-Mandela, gruaja e dytë e aktivistit të njohur.
E ndjera shërbente si ambasadore në Danimarkë që nga viti 2015 dhe ishte caktuar të bëhej udhëheqëse e misionit të Afrikës Jugore në Liberi.
Së voni, ajo u bë më së shumti e njohur për përkrahjen e madhe që ia dha reformës për toka në Afrikën Jugore.
(Kosova Sot Online)