Votimi i buxhetit, Ministria e Financave del me njoftim për përfituesit e pakos emergjente

  • E.K /
  • 13 korrik 2020 - 17:54
 Votimi i buxhetit, Ministria e Financave del me njoftim për përfituesit e pakos emergjente

Pas miratimit në lexim të parë të projektbuxhetin, Ministrja e Financave, Hykmete Bajrami, ka njoftuar përfituesit e pakos emergjente se sapo të votohet në lexim të dytë, do t’u shpërndahen mjetet.

Punonjësve privatë nuk u janë ndarë akoma 170 eurot të Qeverisë, të cilat supozohej t’i merrnin për muajin prill.

Në Kuvend sot është miratuar parimisht ndryshimi i ndarjeve buxhetore, ndërsa ministrja Bajrami është zotuar se pagesat për përfituesit e pakos emergjente.

Postimi i plotë i ministres:

NJOFTIM

Sot, me datë 13 korrik 2020, Kuvendi i Republikës së Kosovës ka miratuar në lexim të parë Projektligjin nr. 07/L-014 për plotësimin dhe ndryshimin e Ligjit nr.07/L-001 mbi ndarjet buxhetore për Buxhetin e Republikës së Kosovës për vitin 2020.

Ministria e Financave falënderon deputetët e Kuvendit të Republikës së Kosovës për mbështetjen e tyre për projektligjin për rishikimin e buxhetit 2020 dhe kërkon që projektligji të procedohet sa më shpejt në komisione parlamentare në mënyrë që i njëjti të sillet në Kuvend për votimin përfundimtar.

Ministria e Financave njofton opinionin se menjëherë pas miratimit të projekt-ligjit në leximin e dytë, dhe hyrjes së tij në fuqi do të krijohet mundësia ligjore për ekzekutimin e pagesave të mbetura për të gjithë përfituesit nga pakoja emergjente fiskale të cilët janë në pritje dhe të gjitha ndarjeve tjera buxhetore.

Ministria e Financave fton për durim të gjithë përfituesit dhe shpreh zotimin e plotë se ekzekutimi i pagesave do të realizohet në mënyrë të menjëhershme sapo projektligji të hyjë në fuqi.

(Kosova Sot Online)