Bolsonaros së Brazilit s’po i shkon mirë izolimi, kafshohet nga një zog i madh përderisa e ushqen

  • A.P /
  • 14 July 2020 - 09:03
Bolsonaros së Brazilit s’po i shkon mirë izolimi, kafshohet nga një zog i madh përderisa e ushqen

Presidenti i Brazilit, Jair Bolsonaro, është parë jashtë rezidencës zyrtare të hënën, ku kishte dalë për t’i ushqyer disa zogj të mëdhenj, që ngjajnë me strucin. Megjithatë, jo gjithçka i shkoi mirë, sepse një fotograf e ka kapur momentin kur njëri prej këtyre zogjve ia kafshon dorën presidentit të famshëm.

Ai doli në kopshtin e pallatit “Alvorada” dhe u dha ushqim zogjve të quajtur rhea, të cilët janë zogjtë më të mëdhenj në Amerikën Jugore, shkruan “Wionews”.

Bolsonaro gati qe një javë është duke qëndruar në karantinë pasi u diagnostikua me koronavirus. Ai të hënën tha se nuk po mund të qëndrojë në izolim dhe se do ta bëjë edhe një test tjetër. Presidenti ka thënë se është duke u ndier mirë dhe meritat për këtë ia ka lënë trajtimit me hidroksiklorokinë, një ilaç që nuk është dëshmuar shkencërisht për efektet kundër koronavirusit.

(Kosova Sot Online)