Edhe dy të vdekur nga COVID-19 në Kosovë, shkon në 114 numri i viktimave
Dy persona nga Ferizaj, kanë vdekur si pasojë e infektimit me koronavirus pasditen e sotme.
Lajmin e ka konfirmuar drejtori i Shëndetësisë në Ferizaj, Bekim Ademi.
“Dy persona kanë vdekur, kanë qenë duke u trajtuar në Spitalin e Ferizajt. Njëri prej tyre ka pasur edhe sëmudnje tjera shoqëruese, ndërkaq për tjetrin nuk kemi mundur të konstatojmë ende”, ka thënë Ademi.
Personat që kanë humbur betejën me koronavirusin janë të moshës 76 dhe 54-vjeçare.
Ndërkohë, numri I personave të vdekur si pasojë e infektimit me koronavirus ka shkuar në 114.
(Kosova Sot Online)
