Ambasadori gjerman para largimit nga Kosova: Po e pi makiaton e fundit
Ambasadori gjerman, Christian Heldt sot është larguar nga Kosova pasi ka përfunduar misionin e tij diplomatik.
Heldt ka postuar një fotografi në rrjetin social Twitter në aeroportin e Prishtinës, duke shkruar se po e pi makiaton e fundit të mrekullueshme para largimit nga Kosova.
“Kjo është kur e di se koha mbaroi. Portreti im në galerinë e ambasadës gjermane së bashku me paraardhësit e mi dhe pierjen e makiatos së fundit kosovare të mrekullueshme në aeroport”, ka shkruar Heldt.
Ai ka njoftuar poashtu se profilin e tij zyrtar në Twitter do t’ia dorëzojë pasardhësit të tij Jorn Rohde që do të arrijë në Kosovë pas pak ditësh.
This is when you know time's up: hanging in the ancestors gallery at the Embassy and sipping a last wonderful Kosovar Macchiato at the airport. pic.twitter.com/jqZK84iBLj
— Ambassador Christian Heldt (@GermanAmbKOS) July 24, 2020
(Kosova Sot Online)
