Mbetjet e trupit të një 14-vjeçari gjenden 6 ditë pas zhdukjes në barkun e krokodilit
Mbetjet e trupit të një djaloshi 14-vjeçar janë gjetur brenda barkut të një krokodili, që besohet se e kishte ngrënë fëmijën gjashtë ditë më parë, kur ai ishte zhdukur.
Viktima e identifikuar si Ricky Ganya, u sulmua nga krokodili përderisa po kërkonte kërmij afër një lumi në Rumah Dadat të Malajzisë, shkruan “Daily Mail”.
Ekipet e kërkim-shpëtimit e kapën krokodilin e gjatë 4.5 metra rreth tri kilometra larg vendit ku djali ishte zhdukur.
Viktima u sulmua me 26 korrik dhe familja e tij e plotësuan formularin për persona të zhdukur në polici, por halla e tij tha se e ka parë krokodilin duke e tërhequr në ujë djaloshin.
Krokodili u kap më 31 korrik dhe iu pre barku në prani të policisë dhe anëtarëve të familjes.
Një zyrtar i ekipit të kërkim-shpëtimit tha se brenda barkut të krokodilit u gjetën disa rroba dhe disa pjesë të trupit të njeriut.
Pjesët e trupit të njeriut që iu nxorën krokodilit janë dërguar për obduksion.
(Kosova Sot Online)