Zemaj premton ndihmë për Luginën me testime e specializantë

  • A.P /
  • 08 August 2020 - 14:00
Zemaj premton ndihmë për Luginën me testime e specializantë

Ministri i Shëndetësisë, Armend Zemaj po vazhdon takimet në komunën e Bujanovcit. Ai së bashku me drejtorin e IKShP-së ka takuar kryetarin e kësaj komune, Nagip Arifi.

Ministri Zemaj tha se prezenca e qeverisë në Luginë, duhet të jetë siguri për qytetarët.

Kryetari i komunës së Bujanovcit, tha se është hera e parë qe vizitohen nga një ministër i Shëndetësisë.

“Ministri na premtoi që në kuadër të ndihmës ka shprehur dëshirën të na ndihmojë edhe në mjetet për luftimin e Covid-19. Është një brengë edhe këtu, edhe në Kosovë. Tani për tani nuk kemi mjete të tjera përveç se të vetëdijesohemi”, tha ai.

Zemaj tha se ai i ka premtuar që këto shërbime t’i marrin në mënyrë të barabartë dhe të sigurtë.

“Ky kujdes është human. Unë zotohem që me të gjitha kapacitet do t’u ofrojmë aq sa mundemi. Prezenca ime këtu tregon që nuk duhet të kemi frikë. Kosova po punon në zgjerimin e testimeve në gjithë rajonet e Kosovës. Atë që mund të ofrojmë për të gjithë qytetarët si të mundohemi edhe për qytetarët e Preshevës”, tha ai.

Zemaj tha se është njoftuar nga kryetari që këtu ka pasur mungesë të specializantëve.

“Sapo përfundova takimin me kryetarin e Këshillit Kombëtar Shqiptar, z. Ragmi Mustafa dhe Kryetarin e Komunës së Bujanocit, z. Nagip Arifi me të cilët biseduam për situatën rreth Covid 19 në Luginë të Preshevës dhe bashkëpunimin e përkrahjen që Kosova mund të ofrojë për qytetarët e këtyre komunave. Nga bashkëbiseduesit u informova për nevojat reale të qytetarëve të komunave të Luginës. Qeveria e Kosovës dhe MSh do të përgjigjet pozitivisht si me përkrahje për përballjen anti Covid, ashtu edhe me përkrahje për specializime për mjekët e Luginës.
Gjithashtu, vizituam edhe Ambulancën për trajtimin e pacientëve me Covid 19″, ka shkruar Zemaj.


(Kosova Sot Online)