45 pacientë të prekur nga COVID-19 në gjendje të rëndë, 389 me oksigjenoterapi

  • A.P /
  • 08 August 2020 - 15:17
45 pacientë të prekur nga COVID-19 në gjendje të rëndë, 389 me oksigjenoterapi

Qendra Klinike Universitare e Kosovës përmes një njoftimi për media ka treguar se 48 pacientë të prekur nga COVID-19 janë në gjendje të rëndë, derisa 389 janë duke u trajtuar me oksigjenoterapi.

“Në kuadër të Shërbimit Spitalor dhe Klinik Universitar të Kosovës, trajtim mjekësor po marrin 630 pacientë, prej tyre 480 të konfirmuar me Covid-19 pozitiv.Nga numri i përgjithshëm i pacientëve, 389 janë me oksigjeno-terapi dhe 45 janë në gjendje kritike shëndetësore”, thuhet në njoftim.

“Në klinikat Covid të QKUK-së, janë të shtrirë 271 pacientë, 237 prej tyre Covid pozitiv, kurse 173 janë në asistim me oksigjen.Në spitalet e rajonale ndodhen të shtrirë 359 pacientë, prej tyre 243 janë të konfirmuar me Covid, 225 janë me oksigjeno-terapi”, vazhdon njoftimi.

Në fund nga QKUK dhe ShSKUK bëjnë thirrje për kujdes, për vendosje të maskës, ruajtje të distancës dhe higjienë personale.


(Kosova Sot Online)

lajme Bota Kosova Sot Aktualitet Ngjarje gazeta COVID-19 në gjendje të rëndë