Australia shënon rekord të numrit ditor të viktimave të Covid-19

  • E.K /
  • 10 August 2020 - 09:48
Australia shënon rekord të numrit ditor të viktimave të Covid-19

Australia i ka raportuar 19 viktima të reja të koronavirusit, që është shifra më e lartë ditore që nga fillimi i pandemisë.

Vdekjet e reja u regjistruan të hënën në rajonin Viktoria, që është bërë epiqendra e përhapjes së koronavirusit në Australi, shkruan BBC.

Viktoria tashmë i ka regjistruar rreth dy të tretat e shifrës së përgjithshme prej 314 viktimave të koronavirusit dhe rreth 21,400 personave të infektuar në Australi.

Megjithatë, numri i rasteve ditore të infektimeve ka rënë ditëve të fundit, duke ngjallur shpresë se masat e rrepta të izolimit në qytetin Melbourne janë duke funksionuar.

Viktoria i regjistroi 322 raste të reja të hënën, shumë më pak se 725 rastet e shënuara pesë ditë më parë. Rajonet e tjera raportuan zero ose numër të vogël të rasteve.

Kryeministri rajonal i Viktorias, Daniel Andrews, tha se është shumë herët për të thënë nëse masat kufizuese, të cilat u vendosën muajin e kaluar, kanë ndikuar në uljen e numrit të rasteve.

(Kosova Sot Online)