U shënuan 4 raste me Covid-19, njerëzit në këtë shtet bëjnë panik për të blerë ushqim
Shumë njerëz janë parë duke pritur në radhë nëpër dyqanet e Zelandës së Re pasi kryeministrja e vendit, Jacinda Ardern njoftoi për masat e reja kufizuese të martën në mbrëmje.
Udhëheqësja e shtetit të largët vendosi masa të shkallës së tretë për izolim në qytetin Auckland gjatë 72 orëve të ardhshme duke filluar nga mesdita e së mërkurës pasi qyteti raportoi katër raste të reja të koronavirusit.
Pjesa tjetër e vendit u vendos nën masa të shkallës së dytë, me të cilat kërkohet distancë sociale e obligueshme dhe kufizim i numrit të personave që marrin pjesë në tubime, shkruan Daily Mail.
Parkingjet e veturave ishin të stërmbushura me automjete pasi njerëzit u nisën drejt dyqaneve ushqimore në tërë qytetin, ndonëse kryeministrja Ardern i luti qytetarët që të mos bëhen grumbull në qendrat tregtare.
Të gjitha rastet e shënuara të martën janë të lidhura me një familje. Autoritetet po e hulumtojmë burimin e infeksionit pasi u tha se familja në fjalë nuk kishte lidhje me udhëtimet e jashtme apo me programin e izolimit në hotele.
Police are at New Lynn Countdown after people ripped the doors open when security tried to control the amount of people rushing in. That woman is saying she needs food for her kid. This ain’t it Auckland. pic.twitter.com/PDf1Oe26Mx
— Matt Manukia (@MattManukiaTVNZ) August 11, 2020
(Kosova Sot Online)