Presidenti i Kosovës nis pushimet, nuk reagon për Karaçevën
Hyrja e pjesëtareve të ushtrisë serbe në fshatin Karaçevë të Kamenicës ngjalli reagime nga krerët e shtetit.
Por ai që qëndroi i heshtur karshi këtyre ndodhive si rrallëherë ishte presidenti, Hashim Thaçi.
Asnjë reagim nga ai nuk u pa as në rrjetet sociale të tij, në lidhje me këtë ngjarje.
E aktiv Presidenti është pothuajse për ditë në Facebookun e tij duke kujtuar data historike dhe dëshmorët, ku shpreh tregon se ka takuar familjarët e tyre.
E i përkushtuar po duket të jetë edhe me rubrikën që e ka hapur rishtazi duke e titulluar “njerëz të paharrueshëm.”
Ndërkohë në faqen e presidencës figurojnë vizita që Thaçit i ka bërë në misionin e ri në Kosovë, ambasadori të ri i Gjermanisë Jörn Rohde.
Por këto aktivitete janë bërë para dy jave.
E janë bërë disa ditë që presidenti nuk ka dalë as në zyrën e tij.
Zyra e Presidencës nuk ka dhënë informacione nëse Presidenti është në pushime.
Por ky distancim i Thaçit nuk është aspak i përshtatshëm me detyrën e rendësishme që ai mbanë .
Andaj analistët po vlerësojnë se ai duhet të angazhohet më shumë dhe të kryejë punën e tij.
Sipas Demhasajt, ky distancim i presidentit nuk është i rastësishëm.
E kjo heshtje e Presidentit ka nisur pak kohë pasi ai është kthyer nga Haga, ku është intervistuar nga Gjykata Speciale.
(Kosova Sot Online)