Lexoni edhe:
Takimi i 2 shtatorit i delegacionit Kosovar dhe atij serb në Vashington, pa entuziazmin e marrëveshjes finale
Policia inicion rast ndaj 12 personave për mosveprim sipas dispozitave shëndetësore
Policia e Kosovës ka iniciuar rast ndaj 12 personave për mosveprim sipas dispozitave shëndetësore.
Rastet e mosrespektimit të dispozitave shëndetësore kanë ndodhur në Gjilan, Prizren, Istog, Pejë, Gjakovë, Malishevë, Mitrovicë, Vushtrri.
Gjilan 15.08.2020-21:25. Është arrestuar i dyshuari mashkull kosovar pronar i kafiterisë për shkak se nuk kishte zbatuar dhe respektuar vendimin e Qeverisë lidhur me ndërmarrjen e masave të luftimit dhe parandalimit të pandemisë COVID -19. Nga njësiti policor është vërtetuar edhe me foto se në atë kafiteri kishin hasur një numër të konsiderueshëm të qytetarëve të cilët nuk i kanë respektuar dispozitat shëndetësore të përcaktuara nga IKSHP –ja mbajtjen e distancës dhe vendosjen e maskave. I dyshuari në rrjete sociale kishte publikuar njoftim për qytetarët se në lokalin e tij do të organizohet mbrëmje muzikore. Me vendim të prokurorit i dyshuari është dërguar në mbajtje për 48 orë, rasti vazhdon të hetohet.
Fsh. Gjonaj, Prizren 16.08.2020-11:55. Ndaj të dyshuarit mashkull kosovar është iniciuar lënda e rastit si më lartë pasi i njëjti nuk ka respektuar vendimin e Qeverisë. Me urdhër të prokurorit rasti vazhdon të hetohet në procedurë të rregullt.
Transit i ri –Arbane, Prizren 16.08.2020-14:50. Është iniciuar rasti ndaj të dyshuarit mashkull kosovar pronar i një pishine në të cilën janë hasur rreth 20-30 persona në hapësirë të hapur, ku i dyshuari kishte vepruar në kundërshtim me vendimin e Qeverisë. Me urdhër të prokurorit, lënda e rastit shkon në procedurë të rregullt.
Vërmicë, Prizren 16.08.2020-15:00. Ndaj të dyshuarit mashkull kosovar pronar i një pishine të hapur është iniciuar lënda e rastit për shkak se kishte vepruar në kundërshtim me vendimin e Qeverisë, kishte hapur pishinën. Me urdhër të prokurorit, është iniciuar lënda e rastit e cila procedohet në procedurë të rregullt.
Fsh. Lubizhdë, Prizren 16.08.2020-21:35. Ndaj të dyshuarit mashkull kosovar është iniciuar lënda e rastit për shkak se kishte vepruar në kundërshtim me vendimin e Qeverisë ku në familjen e tij kishte organizuar aheng familjar. Me urdhër të prokurorit lënda e rastit procedohet në procedurë të rregullt.
Istog (16.08.2020-18:00) Ndaj të dyshuarit mashkull kosovar është iniciuar lënda e rastit për shkak se kishte vepruar në kundërshtim me vendimin e Qeverisë i cili në familjen e tij kishte organizuar aheng familjar në të cilin kishin qenë rreth 50-70 persona. Me urdhër të prokurorit lënda e rastit procedohet në procedurë të rregullt.
Pejë 16.08.2020-21:50. Ndaj të dyshuarit mashkull kosovar është iniciuar lënda e rastit për shkak se kishte vepruar në kundërshtim me vendimin e Qeverisë ku në lokalin e tij nga njësiti policor është hasur duke punuar, në të cilin lokal kishin qenë rreth 24 persona të cilëve inspektorët komunal iu kanë shqiptuar procesverbale dhe kanë mbyllë lokalin. Me urdhër të prokurorit lënda e rastit procedohet në procedurë të rregullt.
Gjakovë 16.08.2020-21:05. Është arrestuar i dyshuari mashkull kosovar pronar i restorantit për shkak se në atë restorant kishte lejuar të mbahej një aheng familjar – dasmë në të cilën kishin qenë rreth 50 persona. I dyshuari kishte vepruar në kundërshtim me vendimin e Qeverisë, ndaj të cilit me urdhër të prokurorit është iniciuar lënda e rastit, i dyshuari është liruar në procedurë të rregullt.
Malishevë 16.08.2020-21:30. Është arrestuar i dyshuari mashkull kosovar për shkak se në familjen e tij kishte organizuar aheng familjar – dasmë në të cilën kishin qenë rreth 30-40 persona dhe ishin hedhë fishekë zjarre. I dyshuari kishte vepruar në kundërshtim me vendimin e Qeverisë, ndaj të cilit me urdhër të prokurorit është iniciuar lënda e rastit dhe është liruar në procedurë të rregullt.
Sheshi Agim Hajrizi, Mitrovicë 16.08.2020 – 01:45. Ndaj të dyshuarës femër kosovare është iniciuar lënda e rastit pasi e njëjta nuk ka respektuar vendimin e Qeverisë. Me urdhër të prokurorit rasti vazhdon të hetohet në procedurë të rregullt.
Rr. Lekë Dukagjini, Mitrovicë 16.08.2020-19:00. Ndaj të dyshuarit mashkull kosovar është iniciuar lënda e rastit për shkak se ka qenë i infektuar me virusin COVID-19, nuk e kishte respektuar masën mbrojtëse vetë izolimit dhe kishte dalë në qytet. I dyshuari është verifikuar se rezulton në listën e personave të cilët kanë dalë pozitiv në testin e COVID-19. Në konsultim me prokurorin lënda e rastit procedohet në procedurë të rregullt, i dyshuari është detyruar të shkoi në shtëpinë e tij.
Rr. Bahri Kuqi, Vushtrri 16.08.2020-22:55. Është arrestuar i dyshuari mashkull kosovar pronar i lokalit për shkak se njësitë policore së bashku me inspektorët komunal në atë lokal kishin hasur 11 femra shtetase të Shqipërisë dhe një shtetase të Serbisë të cilat nuk kanë pasur leje qëndrimi në Kosovë, ndaj të cilave janë shqiptuar fletëparaqitje për mosrespektim të orarit lidhur me virusin COVID-19 dhe janë urdhëruar që të nesërmen të paraqiten në zyrat e migrimit në Prishtinë. Ndaj të dyshuarit me urdhër të prokurorit është iniciuar lënda e rastit dhe i njëjti është liruar në procedurë të rregullt.
(Kosova Sot Online)
