Kosovari që jetoi 29 vite në një vend perëndimor kthehet për të jetuar në Kosovë

  • G.G /
  • 15 September 2020 - 12:20
Kosovari që jetoi 29 vite në një vend perëndimor kthehet për të jetuar në Kosovë

I njohur me nofkën Bushi, Ibrahim Islami tash e 29 vjet jeton së bashku me familjen në Gjermani. Mirëpo jeta e tyre do të marrë një drejtim tjetër. Ai ka vendosur që bashkë me familjen dhe fëmijët të kthehet për të jetuar në Kosovë.

Edhe pse fëmijët e tij tash e sa kohë janë nëpër shkolla në Gjermani, sipas Bushit, tash e tutje ata do të vazhdojnë shkollimin dhe edukimin në Kosovë.

Një vendim të tillë ai e ka bërë të ditur përmes rrjetit të tij social Facebook.

“Të nderuar miq, pas qëndrimit në mërgim rreth 29 vjet bashkë me familjen time nga viti 1991, kam vendosur që fëmijët e mi t’i kthej në atdheun tim pas afër 30 vjet pune. Fëmijët e mi janë lindur, rritur dhe po shkollohen në Gjermani.

Tash e tutje nga ky vit do të jetojnë, shkollohen dhe edukohen në Kosovë. Këtë vendim e kam marrë për shumë arsye, e arsyeja kryesore është që fëmijët e mi të jetojnë në vendin e prindërve, gjyshërve, familjes dhe rrethit të tyre. Veç unë e di çka është të jetosh dhe të punosh larg familjes, shoqërisë dhe vendit ku ke lindur.

Të gjithë bashkatdhetarët të cilët i kanë mundësitë financiare, të mendojnë për kthimin e fëmijëve të tyre tek familja, lagjia, qyteti, dhe shoqëria nga vijmë. Nuk janë vendime të lehta, por që vendit ja kthen rininë e cila po ikin dhe vendi po tkurret. Çdo kthim i rinisë nga perendimi është vlerë për shtetin e Kosovës, në të gjitha aspektet. Kosova është vendi ku jemi lindur, vendi ku jemi rritur dhe vendi ku duhet kontribuar deri në vdekje”, ka shkruar Islami.

 

Teë nderuar miq, pas qeëndrimit neë meërgim rreth 29 vite bashkeë me familjen time nga viti 1991, kam vendosur qeë...

Publiée par Ibrahim Bushi Islami sur Lundi 14 septembre 2020

(Kosova Sot Online)