Detaje nga sulmi në Francë: Konfirmohen tre të vdekur, një gruaje i është hequr koka

  • E.K /
  • 29 tetor 2020 - 10:48
Detaje nga sulmi në Francë: Konfirmohen tre të vdekur, një gruaje i është hequr koka

Agjencia Reuters ka publikuar detaje nga sulmi që ndodhi paraditen e së enjtes në Nice të Francës. Tashmë janë konfirmuar tre të vdekur.

Policia tha se në mesin e viktimave është një grua që i është hequr koka në një kishë.

Kryetari i qytetit jugor, Christian Estrosi, shkroi në rrjetet sociale se sulmi me thikë ka ndodhur brenda ose afër kishës “Notre Dame” dhe se policia e ka ndaluar sulmuesin.

Ky sulm ndodhi më pak se dy javë pasi Franca u trondit nga një rast tjetër, kur më 16 tetor, një i ri me prejardhje çeçene ia hoqi kokën një mësuesi pasi ky i fundit kishte shfaqur karikaturë të profetit Muhamed para nxënësve.

Publikimi i karikaturës ka nxitur reagime të shumta në vendet me shumicë myslimane dhe Franca i ka paralajmëruar qytetarët që jetojnë ose udhëtojnë drejt atyre vendeve që të jenë më të kujdesshëm.

(Kosova Sot Online)