Vdekja e 29-vjecares shtatzënë, QKUK’ja tregon se si iu përkeqësua gjendja

  • A.P /
  • 26 November 2020 - 19:23
Vdekja e 29-vjecares shtatzënë, QKUK’ja tregon se si iu përkeqësua gjendja

Zëdhënësi i QKUK’së, Shpend Fazliu, ka treguar detaje lidhur me vdekjen e 29-vjeçares shtatzënë nga Covid-19.

Fazliu ka thënë se e vdekura është nga Komuna e Prizrenit.

Tutje, Fazliu ka treguar se pasi ajo ishte diagnostikuar me Covid-19 ishte pranuar në Klinikën Infektive, e më pas pas komplikimeve, shtatzëna ishte transferuar në njësinë intensive ‘Covid’

“Qendra Klinike Universitare e Kosovës, njofton se sot,  në Mjekimin Intensiv Qendror Covid, ka ndërruar jetë një grua shtatëzënë nga komuna e Prizrenit, e lindur në vitin 1991.

Ajo ishte e diagnostikuar me Covid-19, dhe fillimisht ishte pranuar në Klinikën Infektive, por për shkak të komplikimeve, ishte transferuar në njësinë intensive Covid.

Në ritestimin e datës 17 nëntor, ajo kishte rezultuar negativ, por vazhdonte të kishte gjendje të rënduar shëndetësore”, ka sqaruar Fazliu.

Ai gjithashtu tregoi se stafi shëndetësorë bëri përpjekje maksimale për ta shpëtuar 29-vjeçaren, megjithatë pas disa ditësh mjekimi, ajo nuk mbijetoi.

“Përkundër përpjekjeve  maksimale nga stafi shëndetësorë, ajo pas disa ditësh mjekimi nuk arriti të mbijetonte”, tha Fazliu.

(Kosova Sot Online)