Ushtria e Izraelit është paralajmëruar: Trump mund të sulmojë Iranin në çdo moment

  • A.P /
  • 26 nëntor 2020 - 20:20
Ushtria e Izraelit është paralajmëruar: Trump mund të sulmojë Iranin në çdo moment

Ushtria e Izraelit po përgatitet për mundësinë që administrata Trump të nisë një sulm ushtarak kundër Iranit, njoftoi Axios të mërkurën.

Zyrtarë të lartë izraelitë i thanë medieve se qeveria izraelite udhëzoi komandantët ushtarakë të përgatiten për një sulm të mundshëm gjatë “periudhës shumë të ndjeshme” nga tani dhe kur Presidenti i zgjedhur Joe Biden të marrë detyrën në 20 Janar.

Izraeli thuhet se po bën përgatitjet me pritjen që ata do të marrin njoftim paraprak nga SHBA lidhur me ndonjë veprim ushtarak, por me shqetësime se një njoftim i tillë mund t’i afrohet shumë sulmit.

Izraeli gjithashtu po përgatitet për mundësinë e një sulmi hakmarrës nga Irani, qoftë drejtpërdrejt ose përmes përfaqësuesve në vendet e afërta.

New York Times raportoi javën e kaluar se Presidenti Trump po konsideronte një sulm ushtarak kundër Iranit në një përpjekje për të ndaluar programin bërthamor në rritje të Teheranit. Agjencia Ndërkombëtare e Energjisë Atomike një ditë më parë kishte raportuar se rezervat e uraniumit të vendit ishin 12 herë më të mëdha sesa lejoheshin sipas marrëveshjes bërthamore të epokës Obama, nga e cila administrata Trump u tërhoq në 2018.

Trump thuhet se mbajti një takim të enjten në Zyrën Ovale për të diskutuar opsionet e tij, por Zëvendës Presidenti Pence, Sekretari i Shtetit Mike Pompeo, sekretari i përkohshëm i Mbrojtjes Christopher Miller dhe Gjeneral Mark Milley, kryetari i Shefave të Përbashkët të Shtabit, e dekurajuan atë kundër veprime të tilla.

Ministri izraelit i Mbrojtjes Benny Gantz ka folur dy herë gjatë dy javëve të fundit me Miller për të diskutuar Iranin, Sirinë dhe bashkëpunimin e mbrojtjes.

Të dielën, Kryeministri izraelit Benjamin Netanyahu u takua në Arabinë Saudite me Princin e Kurorës Saudite Mohammed bin Salman. Tema kryesore e bisedës ishte Irani, i thanë zyrtarët izraelitë Axios.

(Kosova Sot Online)