Lexoni edhe:
Kujt mund t'i konfiskohet pasuria me ligjin e ri, flasin nga IKD
Merkel shton fuqitë, shpërthejnë protestat në Gjermani
Protesta kanë shpërthyer në Berlin pasi kabineti i Angela Merkel miratoi një ligj që i jep qeverisë të gjithë pushtetin për të vendosur masa në të gjithë Gjermaninë për të luftuar valën e tretë të pandemisë së koronavirusit.
Pamje të dhunshme janë regjistruar përpara dyerve të parlamentit ku protestuesit kundër masave shtrënguese ishin mbledhur për të kundërshtuar dhe u përplasën me policinë.
Shumë prej manifestuesve mbanin në duar pankarta ku e krahasonin ligjin e ri me fashizmin.
Ligji i ri, i cili duhet ende që të marrë dhe miratimin e parlamentit, nënkupton që masat e izolimit të vendosen automatikisht në zonat ku rastet me koronavirus pësojnë rritje, duke anashkaluar liderët rajonalë.
Për shembull, nëse një rajon regjistron më shumë 100 raste për 100 mijë persona për 3 ditë me radhe atëherë masat e izolimit hyjnë menjëherë në fuqi.
(Kosova Sot Online)
