Lexoni edhe:
Një tjetër qytetar shfaq probleme me mpiksjen e gjakut pasi mori vaksinën AstraZeneca
Gashani emërohet zëvendësministër i Punëve të Brendshme
Blerim Gashani është emëruar zëvendësministrër i Punëve të Brendshme.
Kjo është bërë e ditur nga kjo ministri.
Blerim Gashani i lindur më 25 dhjetor 1974 në Drenas, ku dhe përfundoi shkollimin fillor dhe të mesëm. Studimet themelore për Komunikim Masiv dhe Gazetari i përfundoi në Universitetin AAB, ku edhe vijon me studimet Master.
Punoi si mësimdhënës nga 1994 deri në vitin 2000 në shkollën fillore “Zenel Hajdini” Terstenik.
Prej 2000 deri më 2008, ka punuar në Misionin e Kombeve të Bashkuara në Kosovë (UNMIK) për të vazhduar në Misionin e Bashkimit Evropian për Sundim të Ligjit (EULEX) nga 2008 deri më 2014.
Pas vitit 2014 deri më tani punoi për organizatën qeveritare të Mbreterisë së Bashkuar, NI-CO, të cilët zbatojnë shumë projekte në Republikën e Kosovës , sidomos të lidhura me siguri dhe drejtësi.
“Blerimi njihet për shumë artikuj gazetaresk të botuara në mediat e shkruara dhe elektronike të Kosovës, Shqipërisë dhe Maqedonisë së Veriut. Ka botuar edhe dy libra: “Vjeshtë e ngrime” më 2017 dhe “Kronikë e rrënimit të Kosovës” më 2020. Ai gjithashtu ka përvojë të bujshme si redaktor dhe lektor i gjuhës standarde shqipe në botime të ndryshme akadamike e publicistike”, thuhet nga MPB.
(Kosova Sot Online)
