“Ne ishim 3 ditë vonë”, djali i viktimave në Shqipëri rrëfen për vdekjen e familjarëve të tij

  • A.P /
  • 09 maj 2021 - 12:16
“Ne ishim 3 ditë vonë”, djali i viktimave në Shqipëri rrëfen për vdekjen e familjarëve të tij

3 anëtarë të familjes Haliti nga Gjilani kanë vdekur derisa ishin në pushime në zonën e Gjirit të Lalzit.

Nëna djali dhe nusja, dyshohet se kanë vdekur pas konsumimit të kërpudhave.

Mirëpo familjarë të tyre dyshojnë se shkaqe tjera mund të kenë dërguar deri në vdekjen e tyre, kjo për shkak që edhe qeni i familjes ka ngodhur, ndonëse nuk ka konsumuar kërpurdha.

Djali i çiftit ka treguar për media se me të kuptuar që gjendja e familjarëve të tyre nuk ka qenë e mirë, ai ka shkuar në Shqipëri.

Megjithatë, ai ka deklaruar se mjeku në spitalin e Tiranës i kishte thënë se tashmë është vonë.

Sipas tij, mjekët kanë neglizhuar rastin e familjarëve të tij, kështu edhe duke i trajtuar me vonesë.

“Unë shkova në Shqipëri dhe i pash familajrët. Shkova u konsultova me mjekët kujdestar, duhej më shpejt me vepru. Fjala e tij e parë ishte se është shumë vonë. Ai më tha se helmimi nuk bënë t’i kaloj 24 orë. Ne ishim 3 ditë vonë. Unë i thash se më duhet me ditë se çfarë kanë, më duhet me i ndihmu. Gati 3 orë kaluan derisa u mbledhen analizat e tyre. Mjeku më thoshte duhet me pas analiza më shumë. Raporti mjekësor ka qenë shumë vonë”, ka shtuar ai.

Ai ka thënë tutje se intervenimi i familjarëve të tyre dhe i atyre që e kanë njohur babain e tij ka qenë shumë i shpejtë pas vdekjes së viktimave.

Ndërsa, ka treguar se varrimi i familjarëve të tyre do të bëhet sot në orën 16:30 në varrezat e qytetit të Gjilanit.

(Kosova Sot Online)