Djaloshi palestinez vrapon pas kufomës së babait të vrarë nga sulmet ajrore (VIDEO)

  • G.G /
  • 12 maj 2021 - 11:27
Djaloshi palestinez vrapon pas kufomës së babait të vrarë nga sulmet ajrore (VIDEO)

Ka filluar varrosja e viktimave të sulmeve izraelite në Gaza. Në rrjetet sociale është publikuar një video prekëse e një fëmijë, i cili e përcjell drejt varrit babanë e vrarë.

Djaloshi që s’mund t’i ndalë lotët shihet duke vrapuar mes turmës së njerëzve derisa arrin te personat që po e bartnin trupin e babait të tij të pajetë.

Ndonëse disa persona mundohen që ta ndalin, ai vendoset në krye të turmës dhe ecën para dy personave që po e dërgonin kufomën në varreza.

Në fund të videos së publikuar në Twitter, fëmija i mërzitur shihet duke bërë me dorë në shenjë të përshëndetjes në drejtim të babait të vrarë.

Ndryshe, luftimet mes Izraelit dhe Hamasit e grupeve tjera islamike vazhduan edhe të mërkurën. Përleshjet po zhvillohen kryesisht përmes sulmeve ajrore dhe përmes raketave tokë-ajër. Deri më tani janë konfirmuar 35 viktima në anën e palestinezëve dhe 5 në anën izraelite.

(Kosova Sot Online)