Lexoni edhe:
Mjaft me monopole, të gjitha kontratat pa bazë ligjore si me kompaninë Devolli... të ANULOHEN!
Televizioni publik britanik, BBC, e ka demantuar një zëdhënës të kryeministrit Izraelit, Benjamin Netanyahu, rreth një videoje që ai e ka shpërndarë në rrjetet sociale, duke pretenduar se paraqet raketa të hedhura nga Gaza.
Ky zëdhënës shpërndau një video në Twitter për të cilën pretendoi se shihen raketat e Hamasit të hedhura nga zonat e populluara.
“Një e treta e këtyre 250+ raketave ranë brenda Rripit të Gazës, duke vrarë palestinezë”, shkroi në përshkrimin e videos zëdhënësi i Netanyahut, Ofir Gendelman.
Megjithatë, videoja është e vjetër dhe pamjet janë nga Siria, jo nga Gaza, raporton BBC-ja.
Videoja ishte incizuar gjatë një operacioni të forcave qeveritare siriane kundër rebelëve në qytetin Deraa më 2018.
Vetë Twitter-i ia vendosi shenjën e “medias manipuluese” këtij postimi, duke shtuar edhe linqe për kontrollimin e fakteve, të cilat dëshmonin se videoja ishte nga lufta e Sirisë. Pas kritikave, Gendelman e fshiu postimin.
(Kosova Sot Online)