Pretendimet e katër të rinjve se u rrahën nga policët në Gjilan, IPK merr një vendim

  • A.P /
  • 27 May 2021 - 17:25
Pretendimet e katër të rinjve se u rrahën nga policët në Gjilan, IPK merr një vendim

Pretendimet e katër të rinjve se u rrahën nga policët në Gjilan, IPK merr një vendim

Inspektorati Policor i Kosovës respektivisht hetuesit e Departamentit të Hetimeve të IPK-së kanë rekomanduar suspendimin e katër zyrtarëve policorë (që të gjithë punonjës në Njësinë e Reagimit të Shpejtë- Gjilan) me dyshimin se të njëjtit kanë kryer veprën penale “lëndim i lehtë trupor” .

“Rasti kishte ndodhur më 22.05.2021 rreth orës 22:00 në një lokal në Gjilan kurse IPK hetimet lidhur me këtë rast ka filluar dy ditë më herët kur hetuesit e Inspektoratit Policor kanë pranuar një ankesë nga një qytetar i cili pretendonte se ndaj tij dhe tre qytetarëve të tjerë ka pasur  tejkalim të autorizimeve policore gjatë përdorimit të forcës.

Rekomandimi për suspendimin e zyrtarëve policorë ka ardhur pas analizimit të ankesës dhe shkresave tjera (raporteve mjekësore dhe fotografive) të cilat IPK i ka siguruar gjatë veprimeve hetimore në konsultim me Prokurorinë Themelore Gjilan”, thuhet në njoftimin e IPK-së,

Rasti ka të bëjë me pretendimet e katër të rinjve nga Gjilani se janë sulmuar nga zyrtarët policorë.

“Hetuesit e IPK-së në koordinim të plotë me Prokurorinë e Shtetit, do të vazhdojnë të ndërmarrin edhe veprime të tjera hetimore drejt ndriçimit të plotë të të gjitha rrethanave që ndërlidhen me këtë rast”, përfundon njoftimi i tyre

(Kosova Sot Online)