Lexoni edhe:
Me urgjencë ligji VETTING, të finalizohet dhe të zbatohet para fundit të këtij viti
Gruaja e El Chapo pritet të pranojë akuzat për ndihmën ndaj bashkëshortit në drejtimin e kartelit të drogës
Emma Coronel Aispuro, gruaja e mbretit meksikan të drogëse Joaquin “El Chapo” Guzman, pritet të deklarohet fajtore këtë javë për akuzat për ndihmën ndaj bashkëshortit të saj në drejtimin e kartelit famëkeq të drogës Sinaloa, njoftoi ‘New York Times’ të martën.
‘Times’, duke cituar një person të njohur me çështjen, njoftoi se Coronel do të paraqitej në Gjykatën Federale të Qarkut në Uashington të enjten në mëngjes për të pranuar akuzat ndaj saj.
Marrëveshja për të pranuar fajësinë nuk do të kërkojë që ajo të bashkëpunojë me autoritetet amerikane ose të sigurojë informacion në lidhje me aleatët e burrit të saj, partnerët e biznesit ose të afërmit, raporton ‘Times’.
‘Reuters’ nuk mund ta konfirmonte menjëherë raportin. Një zëdhënës i Departamentit të Drejtësisë të SHBA nuk pranoi të komentojë dhe avokatët e Coronel nuk iu përgjigjën kërkesave për komente.
Coronel, një ish-mbretëreshë bukurie 31-vjeçare, u arrestua në Aeroportin Ndërkombëtar Dulles të Uashingtonit në muajin shkurt.
Prokurorët e akuzuan atë për bashkëpunim me burrin e saj në drejtimin e kartelit të drogës dhe organizmin e komplotit në arratisjen e tij famëkeqe në korrik të 2015 nga burgu Altiplano i Meksikës përmes një tuneli të gjatë të hapur nga qelia e tij.
63-vjeçari Guzman u dënua në shkurt 2019 për organizimin e kartelit të droge me përfitime prej miliarda dollarësh. Ai u dënua me burgim të përjetshëm, plus 30 vjet i burgosur në burgun federal Supermax në Firence, Kolorado.
(Kosova Sot Online)
