Gjendet bombë artizanale në makinën e kreut të zhvillimit të parqeve historike
Një bombë artizanale u gjet në makinën e ekzekutivit komunal Marco Andrea Doria, president i tryezës për zhvillimin e parqeve dhe vilave historike në Romë.
Makina ishte parkuar në lagjen Prati të Romës.
Prefekti do të marrë në konsideratë rritjen e masave mbrojtëse ndaj kryetarit për zhvillimin e parqeve dhe vilave historike në kryeqytet.
Kërcënimet ndaj menaxherit komunal erdhën si rezultat i angazhimit të tij për të denoncuar zaptimin e paligjshëm të ndërtesave historike në Villa Pamfilj dhe dëmtimin e statujave dhe shatërvanëve.
“Një bombë u gjet në makinën e Marco Doria. Një fakt shumë serioz, unë shpreh solidaritetin tim të plotë”, komentoi kryebashkiaku Virginia Raggi në Twitter.
Bomba u vendos nën motorin e fshirësit të makinës. Ishte një kuti spërkatjeje me barut e bërë me dorë. Për ta çaktivizuar atë, ishte e nevojshme ndërhyrja e skuadrës së bombës.
Nuk është hera e parë që Doria kërcënohet, ndërsa Policia po heton rastin. Kamerat e mbikëqyrjes në zonë po shqyrtohen nga hetuesit për të identifikuar se kush e vendosi bombën. Siç është konstatuar nga hetuesit, Doria kishte marrë kërcënime në të kaluarën në lidhje me caktimin e tij.
(Kosova Sot Online)
