Lexoni edhe:
Kryediplomati italian Di Maio nis vizitën në Kosovë
Çudi: Ky është qyteti më i shtrenjtë në botë për punëtorët e huaj
Kryeqyteti i Turkmenistanit, Ashgabati, është zgjedhur si qyteti më i shtrenjtë për punëtorët e huaj. Listën e qyteteve më të shtrenjta në këtë aspekt e hartoi kompania konsultuese, “Mercer”.
Vitin e kaluar, në vendin e parë në këtë listë ishte Hong Kongu, që këtë vit u radhit i dyti. Në vendin e tretë është Bejruti i Libanit, ndërsa në të katërtin Tokio i Japonise.
Në raportin vjetor ndodhen 209 qytete. Radhitja e tyre është bërë duke u mbështetur në koston e shpenzimeve për punëtorët e huaj, si strehimi, transporti dhe ushqimi.
Shumica e dhjetë qyteteve më të shtrenjta janë qendra biznesi, ku rritja ekonomike ka çuar në rritje të çmimit të banimit dhe kostos së jetesës.
Jean-Philippe Sarra nga kompania që e realizoi raportin tha se një arsye pse Ashgabati është në vendin e parë është inflacioni i lartë lokal.
I njohur për qeverinë autokratike dhe rezervat e mëdha të gazit, Turkmenistani për një kohë të gjatë është duke u përballur me një krizë ekonomike që ka çuar shumë banorë drejt varfërisë.
Ish-republika sovjetike është shumë e varur nga eksporti i gazit në Rusi. Duke e marrë parasysh këtë fakt, ekonomia e vendit është dëmtuar pjesërisht edhe nga çmimi i ulët i gazit.
(Kosova Sot Online)
