Lexoni edhe:
Ish-diplomati serb: SHBA-ja s’do të insistojë në zbatimin e mëtejshëm të Marrëveshjes së Washingtonit
Ramush Haradinaj reagon për gjobat në pandemi: Çka iu keni gjujt në qafë këtij populli o njerëz?
Ish-kryeministri i Kosovës dhe lideri i AAK-së, Ramush Haradinaj, ka reaguar ashpër në profilin e tij në ‘facebook’ lidhur me gjobat e shumta që po shqiptohen nga Policia e Kosovës për personat të cilët nuk po i respektojnë masat anti-COVID.
Haradinaj thotë se në vend se të kishte lajme se si u ndihmuan mbi 4 mijë njerëz, në Kosovë raportohet vazhdimisht për gjobat që ka shqiptuar Policia.
“A din kush me tregu se kah po shkon ky vend?! Me nga 2 mijë e sa të infektuar në ditë e me po kaq familje në tmerrin e sigurimit të ilaçeve, me nga 20-30 të vdekur dhe me nga 4 mijë e sa të dënuar! Çka iu keni gjujt në qafë këtij populli o njerëz? A keni kufi dhe a doni me zbritë në tokë ndonjëherë!
Ky vend ka nevojë për lajme se si u ndihmuan 4 mijë e 200 njerëz e jo se si u gjobitën e u dënuan”, ka shkruar Haradinaj.
Në fund ka thënë se ai që e dënon popullin e tij herëdokur do të ndëshkohet.
“Ai që e dënon popullin e tij herëdokur ka me e marrë ndëshkimin e tij!
RH”, ka përfunduar Haradinaj.
(Kosova Sot Online)
