Nagavci për fillimin e vitit shkollor: Nuk do të jetë e lehtë as këtë vit

  • E.K /
  • 27 September 2021 - 09:19
 Nagavci për fillimin e vitit shkollor: Nuk do të jetë e lehtë as këtë vit

Ministrja e Arsimit, Arbërie Nagavci ka uruar nxënësit, mësimdhënësit e prindërit për fillimin e vitit të ri shkollor.

Nagavci përmes një postimi në Facebook ka shkruar se në këtë fillim viti shkollor kur akoma po përballemi me pandeminë, angazhimi ynë për të bërë më të mirën, për një vit sa më të mbarë e të suksesshëm, është i vazhdueshëm.

“Sfidat e brengat do t’i tejkalojmë bashkë, me vullnetin, kuriozitetin e energjinë për mësimnxënie e mësimdhënie”, ka shkruar Nagavci.

Postimi i plotë:

Të dashur nxënës, mësues, prindër, urime fillimi i vitit shkollor!

Në këtë fillim viti shkollor kur akoma po përballemi me pandeminë, angazhimi ynë për të bërë më të mirën, për një vit sa më të mbarë e të suksesshëm, është i vazhdueshëm.

Sfidat e brengat do t’i tejkalojmë bashkë, me vullnetin, kuriozitetin e energjinë për mësimnxënie e mësimdhënie.

Nuk do të jetë e lehtë as këtë vit, puna në shkolla. Krahas masave që kemi ndërmarrë, krahas kujdesit për sigurinë e shëndetin, nuk duhet lënë anash as betejat për rezultate në të nxënë, në arsimim e edukim.

Me kujdes të shtuar, respektim të masave, bashkëpunim e përkushtim, për rezultate sa më të mira!

Shëndet të plotë e suksese për të gjithë!

(Kosova Sot Online)