Në Serbi e konsiderojnë “të rrezikshëm” komandantin e ri të FSK-së

  • G.G /
  • 30 nëntor 2021 - 14:04
Në Serbi e konsiderojnë “të rrezikshëm” komandantin e ri të FSK-së

Kryetari i Këshillit për Kosovën në Kuvendin e Serbisë, Milovan Drecun, ka thënë se me emërimin e Bashkim Jasharit komandant të Forcës së Sigurisë së Kosovës, Qeveria e Kosovës ka treguar se “dëshiron ta shfrytëzojë FSK-në për veprime të njëanshme në veri të Kosovës”.

Me emërimin e Ramës në krye të FSK-së, Drecun ka thënë se është gjetur njeriu që është i gatshëm të bëjë gjithçka.

“Në Bashkim Jasharin, kanë gjetur një person, kriminel që është i gatshëm të bëjë gjithçka që mundet kundër popullit serb dhe të përdorë të gjithë kapacitetin e FSK-së për të kryer spastrim etnik dhe për të kërcënuar sigurinë dhe mbijetesën e serbëve në Kosovë”, ka thënë ai, siç raportojnë mediat serbe.

Drecun ka akuzuar Jasharin se është pjesë e “klaneve më të fuqishme kriminale në Kosovë”.

Jashari mori sot detyrën e re, pas dorëheqjes së Rrahman Ramës.

(Kosova Sot Online)