Miratohen edhe dy vaksina tjera Anti-COVID

  • A.P /
  • 28 December 2021 - 16:40
Miratohen edhe dy vaksina tjera Anti-COVID

India ka miratuar dy vaksina të reja, duke zgjeruar programin e saj mes frikës për një valë të tretë të nxitur nga Omicron. Vaksinat e reja – Covovax dhe Corbevax  janë autorizuar të dyja për “përdorim të kufizuar në raste emergjente”, shkruan BBC.

India tani ka miratuar tetë vaksina, tre prej të cilave janë zhvilluar në vend dhe ka dhuruar deri më tani më shumë se 1.4 miliardë doza. Qeveria synoi të vaksinonte të gjithë indianët deri në fund të këtij viti, por deri më tani  62% e të rriturve  janë vaksinuar plotësisht dhe më shumë se 90% kanë marrë të paktën një dozë  që nga fillimi i fushatës së vaksinimit.

Kryeministri Narendra Modi tha se India do të fillojë të administrojë dozat përforcuese për punonjësit e kujdesit shëndetësor dhe të vijës së parë, dhe për personat mbi 60 vjeç me sëmundje të tjera, duke filluar nga 10 janari.

India ka regjistruar 34,799,691 raste dhe 480,290 që nga fillimi i pandemisë.

(Kosova Sot Online)