Lexoni edhe:
Aksione si ai i Brezovicës të bëhen në Prishtinë, lidhja e Behgjet Pacollit me Shpend Ahmetin e ka zhytur ish-qeverinë komunale thellë në mito&korrupsion dhe pastrim të parave të pista disa-miliardëshe për 8 vitet e kaluara!
Plagosja në hotel, 23-vjeçarja: Më qëlloi padashje, po festonim Vitin e Ri
Një 23-vjeçare është plagosur me armë zjarri këtë mëngjes rreth orës 09:20 në ambientet e një hoteli në autostradën Durrës-Tiranë.
Ajo ka shfajësuar autorin e plagosjes, Fatbardh D. nga Sukthi, i cili ia mbathi nga vendi i ngjarjes duke e lënë të plagosurën aty.
Vajza, e cila u dërgua në spital ku ndodhet jashtë rrezikut për jetën ka deklaruar se është qëlluar padashje nga i dashuri me të cilin ishte në hotel.
Sipas saj, ai ka qenë i dehur dhe arma i është shkrepur pa dashje.
Largimi nga vendi i ngjarjes është një rrethanë që e rëndon më tej pozitën e autorit të dyshuar për plagosje, ndërsa për policinë rrethanat e krimit janë ende të paqarta.
Postblloqe janë ngritur për kapjen e 32-vjeçarit në bashkëpunim me policitë e zonave fqinje me Durrësin.
Çifti ka qenë për të festuar nisjen e vitit të ri 2022, por është përfshirë në një ngjarje kriminale që pret të zbardhet më tej nga grupi hetimor.
(Kosova Sot Online)
