Lexoni edhe:
Lajmi i fundit: Dorëzohet në polici Nuredin Lushtaku
Policia deklarohet për sulmin me kallash në diskotekën “Venom”
Të paktën 20 plumba janë shkrepur mbrëmë në drejtim të diskotekës “Venom NightClub”, e cila ndodhet në Çagllavicë të Prishtinës. Media raporton se si pasojë e sulmit janë shkaktuar thyerje të xhamave të objektit, teksa e gjithë ngjarja ka ndodhur jashtë orarit të punës së diskotekës.
Sulmin në fjalë e ka konfirmuar edhe Agron Borovci, zëdhënës në policinë rajonale të Prishtinës.
Ai tha se lidhur me rastin policia i ka ndërmarrë të gjitha veprimet e nevojshme policore.
Teksa konfirmon se nga të shtënat me armë zjarri nuk ka persona të lënduar, por vetëm dëme materiale.
“Mbrëmë rreth orës 23:25, është raportuar për të shtëna me armë zjarri në drejtim të një objekti, në rrugën magjistrale Ferizaj – Prishtinë, respektivisht në fshatin Llapnasellë. Policia menjëherë ka dalë në vendin e ngjarjes dhe ka ndërmarrë të gjitha veprimet e nevojshme policore. Nuk është raportuar për persona të lënduar përveç dëmeve materiale. Aktualisht po vijon puna hetimore me qëllim identifikimin e personave të dyshuar të përfshirë në rastin në fjalë si dhe zbardhjen e plotë të rrethanave të kësaj ngjarjeje”, tha Borovci
(Kosova Sot Online)
